BIZ TV — 2020-yilning 27-iyunida oʻz faoliyatini boshlagan madaniy-koʻngilochar yoʻnalishdagi televizion kanal.
Bir guruh tashabbuskor yoshlar tomonidan tashkil etilgan BIZ TV, BIZ Music, BIZ Cinema onlayn telekanallari va BIZ FM onlayn radiosi Oʻzbekiston Respublikasi Prezidenti administrasiyasi huzuridagi Axborot va ommaviy kommunikasiyalar agentligi tomonidan davlat roʻyxatiga olingan.
Teleradiokanal madaniy-koʻngilochar yoʻnalishda boʻlib, asosiy auditoriya xorijdagi oʻzbekistonliklar hisoblanadi. Dasturlar jadvalidan rang-barang koʻrsatuvlar, dunyo boʻylab istiqomat qiluvchi oʻzbekistonliklarning bugungi turmush tarzi, yutuq va muvaffaqiyatlari, hayotiy tajribalarini aks ettiruvchi dasturlar, motivasion telemahsulotlar, milliy kino, serial va musiqalar oʻrin olgan.
Otabek Mahkamov BIZ TV onlayn teleradiokanalining AQShdagi elchisi hisoblanadi. AQShdagi oʻzbekistonliklar hayotini yoritib, hamkorlik loyihalarini amalga oshiradi va turli formatdagi media-mahsulotlarni telekanalga taqdim etadi.
Tomoshabinlarga qulaylik yaratish, xorijdagi oʻzbekistonliklar hayoti haqida yurtimizda istimoqat qilayotgan insonlarga ham tanishish imkoniyatini taqdim etish maqsadida Oʻzbekiston Respublikasi hududida UzCable, UzDigital, All Play, ITV, MediaBay, Beeline TV, Mobi TV kabi kabel studiyalari va onlayn platformalar orqali efirga uzatish boʻyicha muzokaralar davom etmoqda.