Bir zamonlar atigi 14 yoshda bo‘lgan Maryam ismli qiz majburan bir islomiy sekta a’zosi bilan turmushga chiqariladi. Oradan yillar o‘tadi — bugun Maryamning o‘zi ham Zaynab ismli o‘smir yoshdagi qizning onasiga aylangan. Ular uzoq yillar davomida viloyatdagi kichik shaharchada jimgina yashab kelishadi.

Ammo hayot to‘satdan o‘zgaradi. Shaharni larzaga solgan zilziladan so‘ng Maryamning oilasiga sekta tomonidan Istanbuldagi markaziy bo‘limga ko‘chib o‘tish taklifi keladi. Hamjamiyat ularni uy-joy va ish bilan ta’minlaydi. Dastlab bu g‘amxo‘rlik Maryamga najotdek tuyuladi.

Ammo bu yordamning orqasida yashirin reja yotganini u hali bilmaydi.

Aslida esa, Maryamning eri qizlari Zaynabni sekta rahnamosi Shayx Kunaydning nabirasiga turmushga berish rejasini tuzmoqda. Buni fahmlab yetgan Maryam qizini bu taqdirdan qutqarish uchun qochish rejasi tuzadi. Ammo bu qochish uchun pul kerak. Shunda Maryam boy va mashhur ruhshunos — Levant Alkanlining uyida parvarishchi (xizmatkor) sifatida ishga joylashadi.

Aql-idrokli, samimiy va xolis Levant vaqt o‘tishi bilan Maryamning og‘ir hayotini tushunadi va unga chin dildan yordam bera boshlaydi. Endi Maryam ikki olam o‘rtasida: bir tomonda diniy zulm va zo‘ravonlik, boshqa tomonda ozodlik va qizining yorqin kelajagi.

Bu hikoya jasorat, ona muhabbati va ozodlik uchun kurash haqida.